HUKUM HAID

HUKUM HAID

A.      DEFINISI HAID : Darah anu kaluar tina tuntung rahim istri  paling lebet dina waktos-waktos tertentu.

Istihadloh : Darah panyakit anu kaluar tina lebet rahim  caket mulut rahim karena sabab (sanes Haid)

B.      WAKTOS HAID  (Hasil Istiqro / Penelitian Imam Syafi’i);

1.       Pangsakeudikna waktos haid : sadinten sawengi (24 jam).

2.       Rata-rata waktos haid : 6 atanapi  7 dinten + wengi. 

3.       Panglamina waktos haid : 15 dinten + wengi, sanajan selang-selang kaluarna darah, tapi sajumlahna waktos kaluar darahna teu kirang ti 24 jameun.

4.       Pangsakeudikna waktos suci 15 dinten + wengi.

5.       Teu aya batasan panglamina waktos suci

# Pami haid kirang ti 24 jam atanapi langkung ti 15 dinten + wengi eta istihadloh

# Pami waktos suci kirang ti 15 dinten + wengi eta istihadloh

C.      WAKTOS TEU KALUAR DARAH DINA WAKTOS NUJU HAID

Dimana selang-selang antara hed sareng suci maka waktos suci antara haid aya dua pendapat;

1.       Dianggap Haid/qoul assahbi (mu’tamad) maka haram sholat sareng sadaya paharaman  hed nu 10

2.       Dianggap Suci (maul allaqthu wattalfiq) maka wajib sholat, wenang puasa, jima.

D.      DARAH ANU KALUAR KADUA KALINA ETA HAID ATANAPI ISTIHADLOH

1.       Upami darah anu kaluar dietang ti awalna haid kahiji (tipayun) kirang ti 15 dinten dinten +  wengi (komo tina saatna) maka darah anu kadua eta darah haid kahiji keneh anu can rengse

Misal Haid ti  tanggal 1-7, teras Suci tgl 8-12, teras kaluar deui darah tgl 13-15 eta darah hed kahiji keneh anu can rengse, pami tgl 16 masih aya darah eta istihadloh

2.       Upami darah anu kaluar dietang ti awal Haid kahiji langkung ti 15 dinten + wengi, tapi tina saat haid kahiji kirang ti 15 dinten + wengi,  Maka eta darah istihadloh.

Misal Haid  tgl 1-7 teras suci tgl 8-20 teras kaluar deui darah tgl 21-….maka eta darah istihadloh.

3.       Upami darah anu kaluar dietang ti saatna haid kahiji  langkung ti 15 dinten + wengi (komo ti awalana)  Maka eta dianggap darah Haid bulan kadua (salajeungna) sanajan can jejeg sabulan

Misal Haid  tgl 1-7 teras suci tgl 8-22 teras kaluar deui darah tgl 23-… eta darah hed bulan kadua

E.       QODLO SHOLAT AKIBAT HAID

Teu wajib ngodoan sholat anu ditinggal  dina waktos haid kecuali karena telat sholat kabujengng haid atanapi nyesa keneh waktos sholat

1.       Datang haid diawal Dzuhur aya waktos kangge sholat Dzuhur, can waka sholat kabujeng datang manten haid  maka dimana saat  sholat dzuhur eta kedah diqodoan.

2.       Datang haid dina awal sholat Ashar, aya waktos kangge sholat Ashar, can waka sholat Ashar datang haid Maka dimana saat eta Ashar kedah diqodoan bahkan sareng Dzuhurna sebab bisa dijama taqdim dina wakto nyaba jauh (safar)

3.       Datang haid diawal Magrib aya waktos kangge sholat Magrib, can waka sholat kabujeng datang manten haid  maka  dimana saat sholat Magrib eta kedah diqodoan.

4.       Datang haid dina awal waktos Isya, aya waktos kangge sholat Isya, can waka sholat Isya datang haid Maka dimana saat eta Isya kedah diqodoan bahkan sareng magrib sebab bisa dijama Taqdim dina safar.

5.       Saat haid  dina akhir w dzuhur aya waktos najan satakbirotul ihromeun maka dzuhur  kedah diqodoan.

6.       Saat haid dina akhir waktos ashar aya waktos najan satakbirotul ihromeun maka ashar eta kedah diqodoan bahkan sareng dzuhurna sebab bisa dijama Taqdim dina wakto nyaba jauh.

7.       Saat haid dina akhir waktos magrib aya waktos najan satakbirotul ihrom maka magrib kedah diqodoan.

8.       Saat haid dina akhir waktos isya aya waktos najan satakbirotul ihrom maka isya eta kedah diqodoan bahkan sareng magrib sebab bisa dijama Taqdim dina wakto nyaba jauh.

F.       Haram ka istri anu nuju haed 10 perkara :  1. Sholat, 2. Thowaf. 3. Nyabak Al-Quran, 4 Nyandak Al-Quran, 5. Maca Al-Quran, 6. Cicing di Mesjid, 7. Ngaliwat ka lebet mesjid pami sieun ngeclak getih, 8 Puasa, 9. Dithalaq 10. Dialapsuka antara bujal jeung tuur (jima).

Sumber: I’anatut tholibin jilid I: halaman 72 & 117